ដើម្បីសេចក្តីសុខក្នុងជីវិតគេត្រូវគោរពឲ្យបាន៦ទិស
អ្នកដែលប្រាថ្នាសេចក្តីសុខសុភមង្គលក្នុងជិវិតរស់នៅ ត្រូវគោរពឲបាន៦ទិសៈ
១. គោរពមាតាបិតា (ទិសខាងកើត)
២. គោរពគ្រូបង្រៀន (ទិសខាងត្បូង)
៣. គោរពភរិយា បុត្រធីតា (ទិសខាងលិច)
៤. គោរពមិត្តសំឡាញ់ (ទិសខាងជើង)
៥. គោរពអ្នកបម្រើ កម្មករ (ទិសខាងក្រោម)
៦. គោរពសាមណព្រាហ្មណ៍ ព្រះសង្ឈ...(ទិសខាងលើ)
ការគោរពមាតាបិតា
- ចិញ្ចឹមបីបាច់ថែរក្សាលោក ដូចដែលលោកចិញ្ចឹមយើង
- ជួយធ្វើកិច្ចការរបស់លោក
- ទំនុកបម្រុងវង្សត្រកូលមិនឲសាបសូន្យ
- ធ្វើខ្លួនឲសក្តិសមជាអ្នកទទួលទ្រព្យ មរតក និជាអ្នកបន្តវង្សត្រកូល
- ពេលលោកមរណភាពហើយធ្វើបុណ្យឧទ្ទិសជូនលោក
ការគោរពគ្រូបង្រៀន
- ក្រោកទទួលពេលលោកដើរចូលមក
- ចូលទៅរកលោកដើម្បីសុំបម្រុងបម្រើ ប្រឹក្សាសាកសួរ និងសុំឱវាទជាដើម
- តាំងចិត្តរៀន ស្រឡាញ់ការសិក្សា ចេះស្តាប់ឲកើតបញ្ញា
- ប្រណិបត្តិ ឧបដ្ឋានបម្រើលោក
- រៀនសូត្រ ដោយគោរពមិនលះបង់មិនខ្ជីខ្ជា
ការគោរពភរិយានិងបុត្រធីតា
ភរិយា
- លើកដំកើង ផ្តល់កិត្តិយស ឲសមឋានៈជាភរិយាខ្លួន
- មិនប្រមាថមើលងាយ
- ប្រគល់សម្ភារៈជាធំក្នុងផ្ទះ
- រកគ្រឿងប្រដាប់តុបតែង ជាគ្រឿងជារង្វាន់តាមឱកាស
បុត្រធីតា
- ហាមកូនមិនឲធ្វើអាក្រក់
- ឲកូនតាំងនៅក្នុងសេចក្តីល្អ
- ឲកូនសិក្សារៀនសូត្រ
- រៀបចំទុកដាក់កូនចៅឲមានគូស្រករ ផ្ទះសំបែង
ការគោរពមិត្ត
- ចែកចាយរបស់ដែលសមគួរឲដល់មិត្ត
- ពោលពាក្យពីរោះផ្អែមល្អែម
- ជួយសង្គ្រោះគ្នាទៅវិញទៅមក
- រួមសុខរួមទុក្ខជាមួយមិត្ត
- ស្មោះត្រង់មានសច្ចៈជាមួយគ្នា
ការគោរពអ្នកបម្រើកម្មករ
- ឲរង្វាន់បៀវត្សសមគួរដល់ការងារ និងការរស់នៅ
- ជួយរក្សាព្យាបាលចិញ្ចឹមពេលមានជំងឺ
- បានរបស់ប្លែកៗពិសេសមក ក៏បែងចែកឲ
- ឲមានថ្ងៃឈប់សម្រាក និងវិស្សមកាលតាមឱកាសសមគួរ
ពុទ្ធោវាទ
វាយអត្ថបទដោយ គេហទំព័រសាលារៀន salarean.com