តើបុរសគិតពីអ្វីក្រៅពីរឿងរួមភេទ?
សាស្ត្រាចារ្យ Sheridan Simove នៅអង់គ្លេសចំណាយពេលជាង៣៩ឆ្នាំ ធ្វើការសិក្សាស្រាវជ្រាវដ៏លំបាកអំពីប្រធានបទមួយនេះ។ លទ្ធផលដែលលោករកឃើញត្រូវបានបោះផ្សាយក្នុងសៀវភៅមួយក្បាលរបស់លោកដែលមានចំណងជើងថា What Every Man Thinks about Apart from Sex អ្វីដែលបុរសគ្រប់រូបគិតក្រៅពីរឿងរួមភេទ។ លោកសាស្ត្រាចារ្យបញ្ជាក់ថា "ក្រៅពីរឿងរួមភេទ បុរសមិនគិតដល់អ្វីទាំងអស់"។ ហេតុនេះទើបសៀវភៅរបស់លោកមានកម្រាស ២០០ ទំព័រ តែសាច់ខាងក្នុងទទេ មិនមានសរសេរអ្វីទាំងអស់។ លោកចង់ប្រកាសប្រាប់ពិភពលោកអំពីរបកគំហើញនេះ។ ជាការគួរឲ្យភ្ញាក់ផ្អើលបំផុតដែលសៀវភៅគ្មានអក្សរមួយតួ មានតែគម្របមួយក្បាលនេះ ក្លាយជាសៀវភៅដែលលក់ដាច់ជាងគេបំផុត។ សូម្បីតែអ្នកនិពន្ធក៏មិនដែលគិតដល់ដែរ។
ប្រភពៈ www.telegraph.co.uk
សាលារៀន salarean.com