ចារកម្មឡង
ក្បួនសឹក ស៊ុន ជឺ ចែងថា ចារកម្មគឺជាធនធានដ៏មានតម្លៃបំផុត ចាំបាច់ត្រូវតែមាន និងត្រូវតែថែរក្សាឲ្យបានដិតដល់។ ចារកម្មផ្តល់ព័ត៌មានអំពីសភាពការណ៍ខ្មាំង បង្កប្រៀបឈ្នះ ទៅលើគូបដិបក្ខ។ ចារកម្មមានច្រើនប្រភេទ។ នៅទីនេះយើងសូមលើកយកតែ ចារកម្មឡង មកបកស្រាយ។
ចារកម្មឡង មានន័យថា ប្រើចារកម្មរបស់ខ្មាំង ឡង ទៅខ្មាំងវិញ។ នៅពេលដែលខ្មាំងបញ្ជូនចារកម្មមកស៊ើបអំពីកម្លាំងយើង ទោះបីជាយើងដឹងថាជននោះជាចារកម្មរបស់ខ្មាំងក៏ដោយយើងត្រូវធ្វើដូចជាមិនដឹងមិនស្គាល់ ដោយបណ្តោយឲ្យជននោះយកព័ត៌មានទៅប្រាប់ខ្មាំង ប៉ុន្តែព័ត៌មានដែលចារកម្មរាយការណ៍ទៅនោះសុទ្ធតែព័ត៌មានខុសទាំងអស់ ព្រោះនេះជាល្បិចបំភាន់របស់យើង ដើម្បីឲ្យខ្មាំងជឿជាក់លើព័ត៌មានក្លែងក្លាយ ចេញពីចារកម្មរបស់ខ្លួន។ ល្បិចនេះធ្វើឲ្យ ចារកម្មរបស់ខ្មាំង ក្លាយទៅជាចារកម្មរបស់យើងដោយមិនដឹងខ្លួន។
ប្រែសម្រួលរៀបរៀងដោយ គេហទំព័រសាលារៀន salarean.com