កុំដាស់មនុស្សគេងមមើ
អាការៈគេងមមើជាអាការៈធម្មជាតិមួយដែលកើតឡើងចំពោះមនុស្សមួយចំនួន។ មនុស្សខ្លះមមើ ទៅចំអិនអាហារ ឬធ្វើសកម្មភាពផ្សេងៗទាំងមិនដឹងខ្លួន។ ក្រុមអ្នកឯកទេសខាងវេជ្ជសាស្រ្តបញ្ជាក់ថា ការគេងមមើកើតមានក្នុងដំណាក់កាលទី៣នៃដំណេក ដែលជាដំណាក់កាលលង់លក់បំផុត។ ហេតុនេះ គេមិនគួរដាស់មនុស្សដែលកំពុងមមើទេ ព្រោះវាអាចបណ្តាលឲ្យមនុស្សនោះ ភ្ញាក់ក្រញ៉ាង វង្វេងស្មារតី យ៉ាងហោចណាស់ ៣០នាទីទើបស្វាងដឹងខ្លួនវិញ។ ម្យ៉ាងទៀត យើងមិនដឹងថាគេកំពុងតែមមើពីរឿងអ្វីទេ។ រឿងដែលគេកំពុងមមើអាចនឹងបង្កគ្រោះថ្នាក់ដល់យើងបាន។
គេហទំព័រសាលារៀន