ទម្លាប់៣យ៉ាងដែលនាំឲ្យជីវិតបរាជ័យ
ពាក្យចាស់បូរាណខ្មែរពោលថា ទម្លាប់ធំជាងច្បាប់ កិច្ច ការអ្វីក៏ដោយឲ្យតែក្លាយជាទម្លាប់ហើយគឺពិបាកកែប្រែណាស់ បើទោះបីជាសកម្មភាពនោះវាខុសច្បាប់ក៏ដោយ។ តួយ៉ាងច្បាប់ចរាចរណ៍ចែងថាភ្លើងលឿងត្រូវបន្ថយល្បឿន តែមនុស្សមួយចំនួនទម្លាប់បន្ថែមល្បឿនទៅវិញ។ ទម្លាប់ល្អនាំមកនូវជោគជ័យ ទម្លាប់អាក្រក់នាំឲ្យបរាជ័យ។ មនុស្សបរាជ័យច្រើនមានទម្លាប់ដូចខាងក្រោម៖
១. រឹងថ្អឹងមិនកែប្រែតាមកាលៈទេសៈ ៖មនុស្សបរាជ័យច្រើនប្រកាន់ចរិតចាស់គំរិលមិនព្រមកែប្រែទៅតាមរបត់សង្គមទេ។
២. មិនកំណត់ទិសដៅដែលត្រូវដើរទៅមុខ៖ មនុស្សបរាជ័យច្រើនគ្មានផែនការទៅថ្ងៃអនាគត គឺរវល់តែជាមួយរឿងរ៉ាល់ប្រចាំថ្ងៃ សំលឹងឃើញតែប្រយោជន៍ភ្លាមៗចំពោះមុខ។
៣. មិនតាមដានការងារ៖ មនុស្សបរាជ័យមិនតាមដានដំណើររីកចម្រើនរបស់ការងារថាដល់ណាហើយ នៅខ្វះអ្វីខ្លះ ឬត្រូវធ្វើអ្វីខ្លះបន្តទៀតទេ។
ដើម្បីជោគជ័យក្នុងជីវិត ចូរកែប្រែទម្លាប់អាក្រក់ ចាប់យកទម្លាប់ល្អ។
សាលារៀន salarean.com