សកម្មភាពគួរធ្វើនៅចុងសប្តាហ៍ដើម្បីសុខភាពល្អ
អ្នក ធ្វើការនឿយហត់អស់ពេញមួយសប្តាហ៍ លុះដល់ថ្ងៃសៅរ៍អាទិត្យអ្នកពិតជាចង់សំរាកឲ្យបានស្រួលខ្លួន ម្តង។ អ្នកគួរធ្វើសកម្មភាពខាងក្រោមដើម្បីឲ្យខ្លួនអ្នកមានសុខភាពល្អ សម្រាកទាំងកាយទាំងចិត្ត៖
១. ព្យាយាមឈរឲ្យបានច្រើន ទោះបីជាអ្នកធ្វើកិច្ចការអ្វី ក៏ដោយ ព្រោះអ្នកចំណាយពេលអង្គុយដ៏ច្រើនម៉ោងនៅការិយាល័យធ្វើការស្ទើរ ពេញមួយសប្តាហ៍។ ការអង្គុយច្រើន មិនមានផលល្អសម្រាប់សុខភាពទេ។
២. បំភ្លេចរឿងមិនសប្បាយចិត្តនៅកន្លែងធ្វើការចោល។ បើមិត្តរួមការងារធ្វើឲ្យអ្នកខឹង ចូរអភ័យទោសឲ្យគេទៅ កុំទុកក្នុងចិត្ត។
៣. ធ្វើម្ហូបបរិភោគខ្លួនឯង។ ការស្រាវជ្រាវបង្ហាញថាអ្នកដែលចំអិនម្ហូបខ្លួនឯងរស់បានយូរនិងមិនសូវឡើងគីឡូ។
៤. ធ្វើសកម្មភាពដងខ្លួនរបស់អ្នកជាប្រចាំ ឬហាត់ប្រាណដោយដើរទៅដើរមក។
៥. បិទទូរស័ព្ទ។ កាត់ផ្តាច់ជីវិតអ្នកចេញពីសង្គមការងារមួយរយៈ។
៦. អង្គុយសមាធិ។ សមាធិជួយកាត់បន្ថយស្ត្រេស និងបង្កើនសមត្ថភាពខួរក្បាល។
៧. កុំស្ពាយការងារមកផ្ទះ។
សាលារៀន salarean.com