សៀវភៅ​ គ្រោងការណ៍​សុភមង្គល The happiness project ជា​សៀវភៅ​លក់​ដាច់​ជាង​គេ​បំផុត​មួយ​។ សៀវភៅ​នេះ​និពន្ធ​ដោយ​ អ្នក​ស្រី​ ហ្គ្រេត​ឆិន រូប៊ិន​ Gretchen Rubin។ អ្នក​និពន្ធ​បាន​ចែក​រំលែក​បទ​ពិសោធន៍​ជីវិត​ជាក់​ស្តែង​របស់​ខ្លួន​ ដោយ​បាន​ចំណាយ​ពេល​ពេញ​មួយ​ឆ្នាំ​ដើម្បី​ស្វែង​រក​សុភមង្គល​ ឬ​ធ្វើ​យ៉ាង​ណា​ឲ្យ​ជីវិត​កាន់​តែ​ស្រស់​បំព្រង​ជាង​មុន​។ អ្នកនិពន្ធ​បាន​បែង​ចែក​គ្រោង​ការណ៍​ទៅ​តាមខែ​នីមួយ​ៗ​ និង​អនុវត្តន៍​ដោយ​យក​ចិត្ត​ទុក​ដាក់​បំផុត​ដើម្បី​ស្វែង​រក​ដំណោះ​ស្រាយ​ដ៏​ប្រសើរ​សម្រាប់​ជីវិត។ ឧទាហរណ៍​ ខែ​មករា​ គឺ​ជា​គ្រោងការ​ណ៍​សុខភាព​ ថាមពល​រាង​កាយ​ រួមមាន​ដូច​ជាការ​ចូល​គេង​ពី​ព្រលប់ និង​ការ​ហាត់​ប្រាណ​ជា​ដើម។